Gosea dela eta…

Gosearen aurkako kanpaina hasi zuen “Eskuak Elkarturik” gobernuz kanpoko erakundeak igandean, otsailaren 14an, urtero garai honetan egin ohi duenez. Gosea da mundu honetako arazorik larriena. Berez, ez omen litzateke zaila izango munduko pertsona guztiek behar adina janari izatea. Baina, dirudienez, gure sistema ekonomiko kapitalistari ez zaio ez axola, ez komeni…  Orain urte batzuk Pako Aristik idatzitako hitzak gogoratu zaizkit (Pako Aristi. Nazio berri bat: gosetuak. Berria 2002.08.10). “Eskeleto huts diren ume horien argazkiekin zetorren albistea: «Baliteke janari ezak 13 milioi lagunen heriotza eragitea Afrika hegoaldean». Titularra gaizki dago, konturatuko zineten bezala. «Baliteke» horrek itxaropen faltsu bat ezkutatzen du, beraz «Gauza segurua da» jarri behar litzateke. «Janari eza» denok dakigu «gosea» dela. «Heriotza», berriz, naturala ez denean «erailketa» bihurtzen da leku guztietan; gosea ezin dugu, inoiz, naturaltzat hartu gaurko munduan. Gauza segurua da, beraz, globalizatu dugun sistema ekonomiko honek 13 milioi lagun erailko dituela, Afrika hegoaldean bakarrik. (…) Nazio berri bat sortu dugu: goseak hiltzen direnen nazioa. ”

Niri galdera etiko asko sortzen zaizkit gosearen “ikuskizuna”ren aurrean… Eta zuri?

Utzi erantzuna

Zure e-posta helbidea ez da argitaratuko. Beharrezko eremuak * markatuta daude