Egun handia

Albert Kuban bizi da. 11 urte ditu eta boxeolaria izan nahi du. La Habanako Boxeo Eskolara joan nahi du, baina horretarako asko entrenatu behar da, eta aurretik eskolan nota onak atera.

Deegii, Mongoliako 11 urteko neska bat da. Gimnasia eta kontortsionismo talde baten onartua izatea nahi du, eta frogarako gogor prestatzen ari da. Gainera, etxeko lanak egiten ditu, ura eraman, amamari lagundu …

Tom Ugandan bizi da. 19 urte ditu eta Bush Training Schoolen dago, basozaina izateko asmoan. Priszila eta bere lagunekin gauza asko ikasten ditu, adibidez, animaliak aztertzen eta defenditzen.

Nidhi, 16 urteko neska indiarra da, ingeniaritza ikasi nahi du, eta unibertsitatean onartuko dutela espero du. “30 gainekoen” testa egingo du. Cyber lokalean eta etxean etengabe ikasten aritzen da, gauez ere bai. Umeei errepasoa ematen die. Benares hiri sakratuan bizi da. Shivari otoitz egiten dio, azterketa gainditu dezan.

Gure protagonista bakoitzak lan asko egin behar du aurrera jarraitzeko. Akatsak zuzendu behar dira behin eta berriro. Krisi uneak igaro behar dira. Batzuetan badirudi ez dutela helburua lortuko,… baina lanean jarraitzen dute…

Zer da filme honetan gehien gustatu zaizuna? Zer irakasten dizu filme honek?

Iruzkinak

  1. Mirari Iturbe Epelde dio

    Asko gustatu zait pelikula hau. Bertan, etorkizunean beraiek nahi dutena egitea lortzeko lana oso gogor egin behar duten hainbat ume agertzen dira, bakoitza bere gustoko giroan. Nahiz eta oraindik txikiak izan, garbi daukate beraien etorkizunerako helburua, eta gogor borrokatzen dira hura lortzeko.
    Gehien gustatu zaidana pertsonaiek sentitzen duten pasioa izan da. Izan ere, nahi dutena oso zaila izan arren, ez dute amore ematen, eta amaierara arte egingo dute borroka. Nire ustez, behar-beharrezkoa da euren ereduari jarraitu eta bizitzan geuk nahi dugunari eustea. Horregatik iruditu zait ederra filme hau.

  2. Naiare Elorza dio

    Egun handia pelikulan, 4 pertsonaien istorioa kontatzen da. 4 pertsonai horiek hauek dira: Albert, Nidhi, Tom eta Deegii. Herri oso desberdinetakoak dira: Mongolia, Uganda, Kuba eta India.
    Urte asko daramatzate beraien ametsa lortzeko asmoz. Hainbeste esfuertzu egin eta gero, berien ametsak lortzen dituzte egi izatea.

    Albert: Habanan bizi den 11 urteko gaztea da. Bere ametsa, borrokalari onena izatea da eta amets hori egi bihurtzeko akademia batean onartu egin behar diote. Azkenean, lortzen du.

    Nidhi: Indian bizi den 15 urteko neska da. Bere ametsa, ingenieritza ikastea da eta “Super 30” azterketa gainditzen badu, ingenieritzako diploma ematen diote. Azkenean, lortzen du.

    Tom: Ugandan bizi den 19 urteko mutila da. Bere ametsa, basozaina izatea da eta basozaina izateko azterketa gainditu behar du. Azkenean, lortzen du.

    Deegii: Mongolian bizi den 11 urteko neska bat da. Bere ametsa, Gimnasia eta kontortsionismo talde baten onartua izatea da. Azkenean, lortzen du.

    Pelikula honetan ikasi dut, amets bat baldin badaukazu esfuertzoarekin lortuko dezula egi izatea. Pelikula honetan gehien gustatu zaidana izan da, gazte hauen esfuertzoa beraien ametsa egi bihurtzeko.

  3. Naia Arrizabalaga dio

    Pelikula honetan guztiek dute helburu bat eta helburu hori lortzeko buru belarri saiatzen dira. Lortu ez arren aurrera egiten dute, ez diote saiatzeari uzten eta burua altxatuta aurrera egiten dute. Hori izan da gehien gustatu zaidana. Batez ere Deegiiren kasua gustatu zait, oso neska ausarta da nire ustez eta daukan adinerako oso maila altua du. Asko eskatzen dio bere entrenatzaileak eta berak ahal duen guztia egiten du prueba gainditzeko.

    Gauza asko erakusten ditu pelikula honek. Jainkoarengan fedea izatea garrantzitsua dela eta bera beti dagoela laguntzeko prest une on eta ez hain onetan. Horrez gain, benetan gustoko duzun kirol edo ekintza batean aurrera egin behar dela erakusten du.

    Oso pelikula polita iruditu zait eta oso mezu positiboa trasmititzen du nire ustez.

  4. Naia Barney dio

    Gehien gustatu zaidana izan da gazteak beraien betiko ametsa gertatzeko egiten duten lan guztia inporta gabe non eta zer egoeratan bizi diren edo inporta gabe hori lortzeak duen zailtasuna. Askotan oztopo asko izan dituzte beren nahia betetzeko, baina, hala ere, guztiek aurrera jarraitu dute.

    Pelikula honek irakatsi dit zeozer benetan lortu nahi dudanean ez dudala errenditu behar zaila delako edo lehenengoan ez dudalako lortzen. Adibidez, Deeggi-k gimnasia eta kontortsionismo talde baten onartua izatea nahi du, eta lan asko egin ondoren, ez dute onartzen. Momentu hartan, triste sentitzen da. Izan ere, badaki gogorrago entrenatu behar duela nahi badu onartua izatea. Azkenean, hilabete batzuk pasa eta gero, berriz egiten du proba eta onartu egiten dute. Deegii ez zen errenditu eta guk ere ez genuke hori egin behar.

    Deegii, Nidhi, Albert eta Tom eredu oso onak dira gu jakinarazteko zeozer lortu nahi badugu, gugan konfiantza izan behar dugula eta inoiz ez errenditzea gure ametsa bete dadin.

  5. Tania Gonzalez dio

    Jartzen zuten esfortzua, nahiz eta Ondo ez atera gimnasiaren proba, edo boxeoa entrenatzerako orduan… Asko gustatu zait erakusten zuten mezua, gauz bat Nahi baduzu esfortzua eta zure Nahi gustiak jartzen badituzu lortuko duzu!Baliteke lehenengoan ez ateratzea baina asko gustatu zait nahiz eta lehenengoan ez atera perfekto adibidez:Deegiiren proba nahiz eta Ondo ez atera Bera jarraitu egingo du eta hori asko gustatu zait.

  6. June Sanjuan dio

    Niri filme hau asko gustatu zait orokorrean baina gehien gustatu zaidana, Albert, Tom eta Nidhik beraien helburuak nola lortzen dituzten ikustea izan da eta baita ere Deegii nola ahalegindu den lanean bere ametsa lortzeko eta azkenean ez lortzearren ez dela etsi.
    Niri filme honek erakutsi didan mezua da benetan nahi duzun zerbait lortzeko ez duzula inoiz etsi behar.

  7. Laura Larrañaga Madrid dio

    Film honek irakasten du zure helburuak lortzeko gogor aritu behar dela lanean. Beharbada ez zaizu lehenengoan irtengo, baina, benetan desiratzen baduzu ez zarela etsi behar.

    Nahiz eta hiri edo kontinente desberdinean bizi, eta zaletasun guztiz desberdinak eduki, filmeko protagonistek xede bat zuten eta hura lortu arte gogor jarraitu zuten lanean. Beraien ametsa betetzea nahi zuten eta bazekiten hori ez zela erraza izango, agian hainbat gauza egiteari utzi behar ziotela edo ezingo zutela lortu esango zuten pertsonei aurre egin beharko zietela.

    Nire iritziz, pelikula honek argi azaltzen du bakoitzaten ametsak betetzea ez dela lan erraza, horiek benetan betetzea nahi badugu sarritan aurka egin beharko diegula egoera zailei.

  8. Alazne Sudupe dio

    Hasteko, filma honen oso antzeko beste bat ikusi genuela aipatu nahi dut. Pelikula hori “Eskolarako bidean” izan zen. Aurreko hura asko gustatu zitzaidan, beraz, gogotsu nengoen “Egun handia” ikusteko.

    Filma honetan lau pertsonaia daude: Albert, Deegii, Tom eta Nidhi. Laurak froga gogor bat izatera zihoazen eta gogor aritu ziren lanean hura gainditzeko beraien etorkizuna jokoan baitzuten. Bakoitzak ahal zuen guztia eman zuen eta horietako hiruk friga gainditu zuten, baina Deegiik ez. Asko gustatu zait gurasoek zenbat laguntzen eta bultzatzen zien.

    Ederra izan da munduko beste zenbait lekuetan bizitza nolakoa den ikustea. Guk hemen ikasiz gero etorkizuna ziurtatuta dugu, baina aldiz han, beraiek ez dute aukera hau eta beste bide batzuetatik jo behar dute, esaterako kirolean aritzea. Filma honen bidez nik dudan zortea baloratzen ikasi dut. Ez gara konturatzen gure gurasoek dena ordaintzen digutela lana eginez eta ez diegu eskertzen.

    Bestalde, Deegiiren kasuaren bidez esfortzatuz gero eta gogor lan eginez gero, gure helburuak betetzeko gai garela ikasi dut. Lehenengoan ez zuten hartu, baina filmaren amaieran hartu egin zutela esaten da.

    Guztia laburbilduz, filma asko gustatu zait eta hainbat gauza irakatsi dizkit.

  9. Marta Gogorza dio

    Niri film honetan gehien gustatu zaidana izan da, umeek beraien ametsak bete dituztela ikustea adibidez Deegiik bere gimnasia erritmikoko azterketa nola gainditzen zuen, edo Albertek nola boxealaria izatera iritsi zen, Tomek azterketa gainditu eta basozain bihurtzea lortu zuela eta Nidhik azterketak gainditu eta eskola pribatu batean sartzen dela.

    Film onek erakutsi didana izan da gure ametsak jarraitu egin behar direla, eta asko saiatzen bagara bete egingo direla.

  10. Julen Ocio dio

    Gehien gustatu zaidana da protagonista danak lehengoan ez dutela beraien helburua lortzen. Adibides Deegjik ez du lehengoan lortzen asko zaiatu ordoren Bere proban utx egin zuen baina bere familiaren laguntzarekin entrenatzen jarraitzen du. Gainera film bukaeran agertzen da nola askenean sartu zen. Film onek erakusten dit zure helburuak lortzeko oso gogor egin behar dela lana eta gausa batzuei basterrean utzi behar dituzte helburua lortzeko.

  11. Estibaliz Romero dio

    Pelikula honek gauz bat uzten du garbi, gogor lan egiten eta ahalengintzen nahi duzuna lor dezakezula. Pelikulan hainbat gazte azaltzen dira eta denek lortzen dute beraien ametsak betetzea ahalegin handia egiten dutelako. Guk ere proposatzen dugun guztia lor dezakegu, eta, gazte haiek bezala, gure ametsak bete.

  12. Nerea Epelde dio

    Filme honetan gauza bat baino gehiago irakasten dizkigu. Zerbait lortzeko borrokatu egin behar dugula adibidez. Baina horretarako gure burua nahiko garbi ezagutu behar dugula esan nahi digu. Adibidez Nidhi-k zerbait lortzeko egin behar duen lana izugarria da eta horrek atentzioa erakarri zidan. Berak ingeniaria izan nahi du, oso zaila dauka horretara iristeko alde batetik Indian bizi delako eta beste alde batetik neska delako. Bere afizioa denez, gogoz ikasten du azterketa gainditzeko.

    Beste aldetik, asko gustatu zitzaidan Deegii-ren bizitza. Txiki- txikitatik gustatzen zitzaion gimnasia kontortsionismoa. Egun batean erabaki garrantzitsua hartu zuen, gimnasia kontortsionismoko talde batean parte hartu nahi zuela erabaki zuen. Talde horretan sartzeko ordu asko sartu zituen entrenatzen. Hori bakarrik lortu nahi zuen eta ikuskizun baten bidez erabakitzen zuten taldean sartu edo ez. Honek ere asko borrokatu zuen bere afizioaz.

    ZERBAIT GOGOKO DUGUNA LORTZEKO BORROKATU EGIN BEHAR DA!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude